Жорий йилдан бошлаб мамлакатимиз маҳаллаларида ҳоким ёрдамчилари иш бошлади. Бу мутлақо янги тизим аҳволи оғир оилаларга манзилли кўмак бериш, уларни ишбилармонликка жалб қилиш орқали камбағалликни қисқартириш ва халқимизнинг умумий фаровонлигини таъминлашга қаратилгани билан аҳамиятлидир.
Қашқадарё вилояти ҳокимининг биринчи ўринбосари, вилоят иқтисодий тараққиёт ва камбағалликни қисқартириш бош бошқармаси бошлиғи Алишер Қодиров ва Бош прокуратура ҳузуридаги Департаментнинг Қашқадарё вилояти бошқармаси масъул вакили ва Чироқчи тумани ҳокимининг биринчи ўринбосари Шерзод Тажиевлар иштирокида Чироқчи тумани ҳокимлиги каттта мажлислар залида тумандаги маҳаллаларга бириктирилган ҳоким ёрдамчилари учун махсус ўқув семинари ташкил этилди.
Чироқчи туманидаги маҳаллаларга бириктирилган ҳоким ёрдамчилари фаолиятини самарали ташкил этишга қаратилган семинарда Президентимизнинг 2021 йил 27 мартдаги “Оилавий тадбиркорликни ривожлантириш дастурлари доирасида амалга ошириладиган қўшимча чора-тадбирлар тўғрисида” қарори ижросини Чироқчи туманида таъминлаш, оилавий тадбиркорликни янада ривожлантириш, қишлоқ хўжалиги экин майдонлари ва аҳоли томорқаларидан самарали фойдаланилишига эришиш учун имтиёзли кредитлар ажратиш, бу орқали аҳолини иш ва даромад билан таъминлаш, камбағаллик даражасини тез фурсатда қисқартиришга эришиш каби саволларга семинар давомида ҳоким ёрдамчилари жавоблар олишди.
Шунингдек, семинар Бош прокуратура ҳузуридаги Департаментнинг Қашқадарё вилояти бошқармаси масъул ходими юртимизда "Коррупцмяга қарши курашиш борасида" олиб борилаётган ишлари ва бу жирканч иллатнинг жамиятга етаказаётган зарарлари ҳақида тухталиб ўтди.
Семинарда туман Давлат солиқ инспекцияси бошлиғи Ғанишер Караманов ҳам иштирок этиб, туманда томорқа хизмати кластерлари хизматини йўлга қўйиш, Тараққаёт стратегиясида белгиланган тамойиллар асосида, аҳолини бирваракайига бир неча турдаги тадбиркорликка йўналтириш, таъминотчиларни электрон платформага тўла ўтишларини тарғиб қилиш, кичик бизнес ва тадбиркорликнинг исталган йўналиши учун давлат томонидан ажратиладиган кредит ва субсидияларни бериш тартиби ҳақида маълумотлар берилди.
