Ер қаъридан фойдаланганлик учун солиқни қуйидаги ер қаъридан фойдаланувчилар тўлайди:
ер қаъридан фойдали қазилмаларни қазиб олувчилар;
минерал хом ашёдан ва (ёки) техноген минерал ҳосилалардан фойдали қазилмаларни ажратиб олувчилар.
Солиқ солиш мақсадларида ер қаъридан фойдаланувчилар - бу Ўзбекистон ҳудудида конларни аниқлаш ва разведка қилиш, фойдали қазилмаларни қазиб олиш, минерал хом ашёдан ва (ёки) техноген минерал ҳосилалардан фойдали қазилмаларни ажратиб олишни амалга оширувчи юридик ва жисмоний шахслар саналади.
Чироқчи туманида ер қаридан фойдаланганлик учун тўланиши белгиланган солиқларни ўз вақтида ундиришни таъминлаш мақсадида туман ҳокимлиги, Бош прокуратура ҳузуридаги иқтисодий жиноятларга қарши кураш Департаменти туман бўлими, Фавқулодда вазиятлар туман бўлими, туман Экология ва атроф-муҳитни муҳофаза қилиш бўлими вакиллари иштирокида туман ҳудудида ер қаридан фойдаланганлик учун солиқ қарздорлиги мавжуд бўлган юридик ва жисмоний шахслар фаолияти мониторинг қилинмоқда.Шунингдек, ишчи гуруҳ вакаиллари томонидан ғишт ишлаб чиқариш корхоналари ҳамда Қашқадарё дарёси узани атрофидан қум-шағал қазиб оливучи тардиркорлар фаолияти ҳам тегишли тартибда ўрганилмоқда. Бу каби ўрганиш ишларини олиб боришдан кўзланган асосий мақсад белгиланган солиқларни ўз вақтида тўлаш ҳамда ушбу ҳудудларда экологик барқарорликни таъминлашдир.
✍️Озодбек Жахбаров,
Фавқулодда вазиятлар бўлими бўлинма бошлиғи капитан.
