Чироқчилик мардикор Тошкентда машина ўғирлади

10 май куни Тошкент шаҳар, Учтепа туманида яшовчи Р.М. 8 май куни “Балиқчи” маҳалла фуқаролар йиғинида яшовчи таниши А.У. нинг уйига хашарга боради. Бошқарувидаги “Спарк” автомашинасини эса А.У. нинг уйи олдидаги қурилиши тугалланмаган уйда қолдиради. 9 май соат 06:30 ларда келиб қараса, автомашинаси жойида йўқ.

Шу боис ички ишлар ходимларидан машинасини топиб беришларини сўраб, ариза билан мурожаат қилган. Бу ҳақда ИИВ Ахборот хизмати хабар бермоқда.

Кўрилган тезкор чоралар натижасида ушбу жиноятни А.У. нинг уйида ёлланиб ишлаётган, Қашқадарё вилояти, Чироқчи туманилик Б.Р. содир этганлиги аниқланиб, автомашинани Назарбек қўрғони ҳудудида ҳайдаб кетаётган вақтида ички ишлар ходимлари томонидан ушланган.

Мазкур ҳолат юзасидан Жиноят кодексининг 267-моддаси 1-қисми билан жиноят иши қўзғатилган. Терговни ИИБ олиб бормоқда.