Чироқчи туманида ипак қурти боқиб меҳнат стажига эга бўлаётган пиллакор хотин-қизларимиз ташаббуси билан умумхалқ ҳашарида 500 дона тут кўчати ариқ, йўл ва зовурлар четига экилди.
Ипак қуртидан мўл ва сифатли пилла ҳосили етштириш унинг озуқа базаси яъни тут плантациялари ва якка тартибда қаторлаб экилган тут дарахтларидан олинадиган баргга боғлиқ. Кейинги йилларда ипак қуртидан мўл ва сифатли ҳосил олиш учун якка тартибда қаторлаб экилган тут дарахтларига, хусусан баланд танали ва бута шаклида экилган тутзорларга ўз вақтида сифатли ишлов бериш ва туп сонини сақлаб қолишга жиддий эътибор қаратилмоқда.
