Чироқчи тумани ҳокими Хуррам Жураевнинг МУРОЖААТИ

murojaatlar 12-дек, 20:249 1 761

Туман ҳокимининг 2020 йилги ижтимоий-иқтисодий ривожланиш якунлари ҳамда 2021 йилги режалари, шунингдек, “Темир дафтар”, “Аёллар дафтари” ва “Ёшлар дафтари”, янги иш ўринлари барпо этиш, аҳоли турмуш даражасини ошириш,
ҳаётини яхшилаш борасидаги
МУРОЖААТИ

Ассалому алайкум,
Ҳурматли Сессия иштирокчилари!

Ўзбекистон Республикаси Президентининг 2019 йил 8 январдаги «Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида»ги қарори мамлакатимизни барқарор тараққий эттириш, аҳоли фаровонлигини янада оширишга қаратилган муҳим ҳужжат ҳисобланади. Унинг ижросини таъминлаш бугуннинг муҳим талабидир.
Бу борада Чироқчи туманида 2020 йил давомида амалга оширилган ишлар ва 2021 йилдаги истиқболли режалар ҳақида тўхталиб ўтаман.Масалан: имтиёзли кредит ажратиш юзасидан чиқарилган қарорлар, “Темир дафтар”, “Аёллар дафтари” ва “Ёшлар дафтари” бўйича чиқарилган Фармонлар, қарорлар, баёнлар ҳамда топшириқлар ижроси таъминланиб туманимиз аҳолиси тадбиркорликка жалб қилинди ва натижада туманимизда 464 та янги тадбиркорлик субъктлари ташкил этилди ва 2876 та янги иш ўрни яратилди.
Туманда 2020 йил 10 ойликда саноат маҳсулотлари ишлаб чиқариш ҳажми 282,3млрд.сўм (ўсиш суръати 109.0 фоиз)ни, аҳоли жон бошига эса 683 минг.сўмни (ўтган йили мос равишда 586 минг.сўм) ташкил этди. Шунингдек
Қишлоқ хўжалиги ишлаб чиқариш 2 трилион 32,0 млрд.сўм (ўсиш суръати 102 фоиз)ни, аҳоли жон бошига нисбатан 4 916 минг.сўмни (ўтган йили мос равишда 4189 минг.сўм)

Пудрат ишлари ишлаб чиқариш 317 млрд.сўм (ўсиш суръати 101 фоиз)ни, аҳоли жон бошига нисбатан 766 минг.сўмни (ўтган йили мос равишда 681,9 минг.сўм)
  Истеъмол товарлари ишлаб чиқариш 212 млрд.сўм (ўсиш суръати 101 фоиз)ни, аҳоли жон бошига нисбатан 513 минг.сўмни (ўтган йили мос равишда 487 минг.сўм)
  Хизмат кўрсатиш ҳажми 357млрд.сўм (ўсиш суръати 103 фоиз)ни, аҳоли жон бошига эса 862,2 минг.сўмни (ўтган йили мос равишда 610,9 минг.сўм) ташкил этди.
Чакана товар айланмаси эса 872 млрд.сўм (ўсиш суръати 102 фоиз)ни, аҳоли жон бошига 2109 минг.сўмни (ўтган йили мос равишда 1858 минг.сўм) ташкил этди.
Туманнинг Кўкдала ҳудудидан лалми ерларда интенсив технология асосида боғ ва токзорлар барпо этишга берилган имтиёзлар тадбиркорларга катта имкониятлар яратди. Республика бюджети маблағлари ҳисобидан ажратилган 16 млрд.сўм маблағ эвазига 50 та тик қудуқлар, трансформатор, электр тармоғи ўтказилиб 2000 гектар лалми майдонга томчилатиб суғориш технологияси асосида интенсев боғ ва токзорлар барпо этиш ишларини бошлаганмиз, ҳозирги кунда 1200 гектар майдонга интенсив усулда боғ-токзорлар экиш ишларини якунлаш арафасидамиз. Бундан ташқари меҳнатобод ҳудудида 50 гектар, Ўзбекистон ҳудудида 56 гектар ҳамда Чиял ҳудудида 100 гектар боғ ташкил қилинди.
Ташкил этилган 1400 гектар боғ ва токзорнинг умумий қиймати 74 млрд.сўмни ташкил қилди, (шундан, 44 млрд.сўм банк кредити, тадбиркорлар маблағи 15 млрд.сўм) бунинг натижасида, 1 700 нафар доимий, 900 нафар мавсумий иш ўринлари ташкил этилди.
Ташкил қилинган 4 та Кооперация аъзоларидан 278 нафарига50 сотихдан боғ ташкил қилиш учун “Ҳар бир оила тадбиркор” дастури доирасида 30,0 млн.сўмдан 5 йиллик имтиёзли кредит маблағлари ажратилди. Ташкил этилган боғлар таъминотчи томонидан кооперация аъзоларига тайёр ҳолда топширилмоқда.
Энди даромадга келсак, шу йилнинг ўзида боғ ва ток қатор орасига дастлаб 150 гектарда сабзавот, 80 гектарда дуккакли экинлар (мош, ловия, нухот) экилди. Экилган экинлардан жами 2 486 тонна, шундан 2 400 тонна сабзавот, 86 тонна мош ҳосили олинди. Ўртача 236 млн.сўм даромад олишга эришилди.
Шунингдек, 80 гектар майдонга тўқсонбости усулида пиёз экдик.
2021 йилда яна 4 500 гектар лалми майдонларда боғ ва токзор ташкил қилинади. Шундан, 2000 гектарига бодом экилади ҳамда 2500 гектарига ток экилади. Умумий қиймати 200 млрд.сўмлик лойиҳалар амалга оширилади. 138 млрд.сўм банк кредитлари, 62 млр.сўм ташаббускорлар ўз маблағи ҳисобидан ташкил этилади. Лойиҳалар амалга оширилиши ҳисобига 32 млрд.сўм субсидия олинади. 7 650 нафар доимий ва 3 200 нафар мавсумий ишчи ўрни яратилади.
Боғ-ток ҳосилга киргунга қадар боғ-ток қатор орасига сабзавот ва дуккакли экинлари экиш ҳисобига 1 йилда 31 млрд.сўм соф фойда олинади, 3 йилда 93 млрд.сўм фойда олиниб, 35 фоиз кредит қарздорлиги қопланишига эришилади.
3 йилдан сўнг боғ-ток ҳосилга киришини ҳисобга олсак, 1 гектардан 65 млн.сўм соф фойда олинади. (5,7 минг гектардан 370 млрд.сўм) Таҳлил ўрнида 100 гектар лалми майдонда 5 та иш ўрни ташкил қилган ҳолда ғалла етиштириб, ўртача 45 млн.сўм фойда олинган бўлса, ташкил қилинган 1 гектар интенсив боғ-токзордан 65 млн.сўм фойда олинади. Иш ўрни 2та бўлади. Агар 100 гектар интенсив бок-токзорларни хисоб китоб қилсак 6,5 млрд.сўм фойда олиниб, 200 нафар янги иш ўринлари яратилади.
Қашқадарё дарёси туман ҳудудининг 22 км узунлигида оқиб ўтади. Дарёнинг икки қирғоғида жойлашган 4 та худудда (Ўзбекистон, Меҳнатобод, Ҳ.Олимжон ва Пахтакор) 66 958 нафар аҳолиси, 15 671 нафар оила сони, шундан 14 271 нафар ёшлар ва 33 980 нафар аёллар истиқомат қилади. Шундан 1500 хонадонда     60,0 млрд.сўм (банк кредити 50,0 млрд.сўм) маблағ ҳисобига 3 минг тонна балиқ етиштириш бўйича ташабускорлар рўйхати шакиллантирилди.
1500 та интенсив усулида балиқ етиштирувчи хонадонларни ҳозирги вақтда ўз самарасини бераётган кооперация усулида фаолият юритиш тизими йўлга қўйилди. Бунда 3 нафар (“Нилуфар Чорва” МЧЖ, “Ахмедов Акмал” МЧЖ ва “Шаванов Пўлат” МЧЖ) хўжалик юритувчи субъектлар рўйхатдан ўтказилиб, фаолиятини бошлади. Уларга 8,5 гектар ер майдон ажратилиб интенсив усулда балиқ ва чавоқ етиштирилишига мўлжалланган ҳавзалар ташкил қилинмоқда.
Бунинг натижасида, биринчидан, туманда қўшимча равишда 3910 тонна балиқ етиштиришга эришилади ва  туман аҳолисининг балиқ истемолига бўлган талаби 135% га қондирилади,
-иккинчидан, 3035 нафар янги иш ўринлари яратилиб, бюджетга қўшимча 4,0 млрд.сўм маблағ тушушига эришилади.
-учинчидан, энг катта натижа 1500 та хонадоннинг ҳар бирида йиллик даромад ўртача 45,0 млн.сўмга ошади.
Йил бошида туманда 200,1 минг бош йирик шоҳли қорамоллар мавжуд бўлиб, шундан бор йўғи 426 бош наслли қорамоллар ташкил этган. Бу жуда кам. Шунинг учун туманда  лойиҳа қиймати 10 млрд 500 млн.сўмлик 800 бошга мўлжалланган 2 та наслли қорамолчилик комплекси ишга туширилиб насилли қорамоллар сони бугунги кунда 1226 тани ташкил этмоқда.
       2021 йилда умумий қиймати 70 млрд.сўм 2 минг бошга мўлжалланган 2 та чорвачилик комплекси ишга туширилиши режалаштирилган натижада 120 та иш ўринлари яратилади. Бундан ташқари туманда қўйчиликни ривожлантириш учун “ГИССАР-АГРО” МЧЖ томонидан 1400 гектар лалми ер майдонига қиймати                  25 млр.сўмлик 30 минг бош ҳисори қўйлари ташкил қилиш режалаштирилган. Шу каби, “УМИД” МЧЖ томонидан 150 минг бошга мўлжалланган қиймати 15 млрд.сўмлик шундан хорижий кредит линияси ҳисобидан 980,0 минг.евро йиллик ишлаб чиқариш қуввати 1,2 млн дона тухум ишлаб чиқариш режалаштирилган бўлиб натижада 30 нафар иш ўринлари яратилади.
Сув тежовчи технологияларни жорий қилиш 172 та фермер хўжалиги 3846 гектар   режалаштирилган амалда 162 та фермер ҳўжаликлари 2396 гектар майдонга шундан “Kobolt enerji” МЧЖ билан 79 та фермер хўжаликлари 1243 гектар майдонга ва “Naturex GLOBAL” МЧЖ билан 83 та фермер хўжаликлари 1153 гектар майдонларни томчилатиб суғориш технолигиясини ўрнатиш бўйича шартнома килинди.
         Қишлоқ ҳўжалиги ишларини тез ва сифатли бажариш учун 2021 йилга “Чироқчи Кластер” МЧЖ ва фермер ҳўжаликлар томонидан  6 дона юқори унумли ҳайдов трактори, 6 дона замонавий айланма плуг, 12 дона лазерли ер текислагич, 40 дона чопиқ трактори, 40 дона культиватор, 10 дона юқори унумли пневматик чигит экиш ва 10 дона ғалла экиш сеялкаларини ҳарид қилиш режалаштирилди.
     Туман ирригация бўлими балансида жами 259 км канал ва 687 та гидротехник иншооти бўлиб шундан 2020-2021 йил кузги қишги тозалаш таьмирлаш ишларига 23 км канал ва  62 дона гидротехник иншоотлар қуйилган бўлиб жорий йилнинг 1 декабр ҳолатида амалда тозалаш таьмирлаш ишлари 11 км канал хамда 13 дона гидротехник иншоотлар тозаланди.
          Туман СИУ  2020-2021 йил кузги қишги тозалаш таьмирлаш ишларига 34 км ички ҳўжаликлараро канал (ариқ) ва  139 дона гидротехник иншоотлар қуйилган булиб 1 декабр холатида амалда тозалаш таьмирлаш ишлари 4,05 км канал (ариқ) ҳамда 27 дона 19 фоиз гидротехник иншоотлар тозаланди. Фермер ҳўжаликларининг сув олиш қўлоқлари 2020-2021 йил кузги қишги тозалаш таъмирлаш ишларига 172 дона гидротехник иншоотлар қўйилган бўлиб 1 декабр холатида амалда тозалаш таьмирлаш ишлари 42 дона 51 фоиз  гидротехник иншоотлар тозаланди.Сув ресурсларидан оқилона фойдаланиш, Тумандаги ирригация тизими ва суғориш тармоқларининг фойдали иш коэффициентини ошириш мақсадида 2020-2021 йилги кузги-қишги мавсумда хўжаликлараро, ички каналлар ҳамда фермер хўжаликлари ҳисобидаги жами 181 км суғориш тармоқларини тозалаш ишлари амалга оширилиши натижасида ирригация тизими ва суғориш тармоқларининг фойдали иш коэффициентини 63 фоиздан 72 фоизга ошишига эришилади.
Туманга жорий йилда 2 млн.100 минг АҚШ доллари миқдорида хорижий кредит линиялари ҳисобидан тўғридан-тўғри ҳорижий инвестицияларни  жалб қилиниб, 2020 йилнинг бугунги кунига қадар тумандаги “Чироқчи Истиқлол Паранда” МЧЖнинг “Ун ишлаб чиқариш” заводини қуриш лойиҳасига асосан суткасига 250 тонна ун ишлаб чиқарувчи 1,0 млн. долларлик асбоб ускуналари Туркия давлатидан келтирилди. Ҳозирги кунда ўрнатиш ишлари олиб борилиб заводни 2021 йилнинг биринчи чорагида ишга тушириш ва 80 та янги ўринлари ташкил этиш режалаштирилган.
            Ўзбекистон Республикаси Вазирлар Маҳкамасининг 2017 йил
11 октябрдаги “Автомобилларни газ билан тулдириш компрессор станциялари тармоғини ривожлантириш ва автотранспорт воситаларини сиқилган табиий газга босқичли ўтказиш» тўғрисидаги карорига асосан АГНКС ташкил этиш учун тўғридан-тўғри хорижий кредит линия ҳисобидан автомобилларга ёқилғи қуйишни ташкил этиш мақсадида “Чиял гулшани” МЧЖ томонидан 300 минг.долларлик, "Чироқчи тежамкор газтаъминоти” МЧЖ томонидан 300 минг.долларлик, “Имкон газ сервис” МЧЖ томонидан 200 минг. долларлик, “Муҳаммадиев Мусурмон Қулмирзаевич” МЧЖ томонидан 300 минг.долларлик жами 1 млн.100 минг долларлик лойиҳалар ўзлаштирилди. Тўғридан-тўғри хорижий инвестицияларни ўзлаштириш ўтган йилнинг мос даврига нисбатан 170 фоизга бажарилди.
Шунингдек, ўтган йилда 1,2 млн долларлик иккита лойиҳа амалга оширилиши режалаштирилган бўлиб, 2020 йилда ишга тушди. Натижада 50 та янги иш ўринлари яратилди.
Жумладан:
Ўзбекистон ва Бирлашган Араб Амирлиги билан хамкорликда “VERO BEVERAGES” МЧЖ қўшма корхонасига 1,15 млн. долларлик тўғридан-тўғри инвестция ҳисобига 2020 йилда 0,35 литрдан 10 литр «OMAF» белгиси остида қадоқланган идишларда дистерланган сувни ишлаб чиқариш лойиҳаси амалга оширилди. Ускуналар Хитойдан олиб келиниб, кунига 5,0 тонна ичимлик суви ишлаб чиқарилмокда ва 40 янги иш ўринлари яратилди.
Ўзбекистон ва Корея Республикаси билан ҳамкорликда “UZKO CHIROQCHI” МЧЖ қўшма корхонаси суткасига 50 минг дона  ғишт ишлаб чиқариш заводини ташкил этиш максадида 77,0 минг долларлик ускуналар келтирилди ва корхонани ишга тушириш ҳисобига 10 та янги иш ўринлари яратилди.
Туманда Кичик саноат зонасига жами 15,0 га ер майдони ажратилган бўлиб, 122 та лотларда қиймати 28 280 млн.сўмлик 11 та лойиҳалар амалга оширилиши натижасида 214 та янги иш ўринлари яратилди. Шундан, жорий йилда қиймати 8 200 млн.сўмлик 15 минг тонна сут ва сут маҳсулотлари ишлаб чиқариш қувватига эга 2 та лойиҳалар амалга оширилиши натижасида 27 та янги иш ўринлари яратилди.
Кичик саноат зонасида 2 та корхоналар томонидан маҳаллийлаштириш дастури доирасида 2020 йил январ-октябр ойларида 3 146 млн.сўмлик 12 турдаги маҳсулотлар ишлаб чиқариш белгиланган бўлиб, амалда 4 316 млн.сўмлик 12 турдаги маҳсулотлар ишлаб чиқарилди.
Бугунги кунда туманда 3 та корхона томонидан импорт ўрнини босувчи маҳсулотлар ишлаб чиқарилмоқда. Жорий йил 9 ойлигида ушбу корхоналар томонидан 5 425 млн.сўмлик 11 турдаги импорт ўрнини босувчи маҳсулотлар ишлаб чиқарилди. Шунингдек, 2021 йилда 250 млрд 350 млн.сўмлик 6 та лойиҳаларни амалга оширилиши натижасида қўшимча 12 турдаги импорт ўрнини босувчи маҳсулотлар ишлаб чиқарилиши режалаштирилган.
         Кичик бизнес, оилавий тадбиркорлик, хунармандчилик ва касаначиликни қўллаб-кувватлаш ва ривожлантириш, аҳолини касб-ҳунарга ўқитиш мақсадида тижорат банклари томонидан жорий йил декабрь ойига қадар 1 843 та юридик ва жисмоний шахсларга жами 76 492 млн.сўм имтиёзли кредит  маблағи ажратилди 4 196 та янги иш ўрни яратилди.
        Давлат улуши мавжуд корхоналарнинг хусусийлаштирилиши натижасида эришилган самарадорлик натижалари бўйича туманда 21 та давлат улуши бор корхоналарни хусусийлаштириш бўйича таклиф берилди.
   Жорий йилнинг январь-декабрь ойлари экспорт режаси 7 млн 419 минг долларга (саноат 287 минг долларга, мева-сабзавот 7 млн 132 минг долларга) белгиланган бўлиб, бугунги кунга қадар 4 млн 56 минг доллар (саноат 460 минг, мева-сабзавот 3 млн 596 минг.доллар) миқдорида экспорт амалга оширилиб, экспорт қилишда давом этмоқда.
Ҳозирда, жорий йил учун белгиланган экспорт режасини сўзсиз бажарилишини таъминлаш бўйича аниқ ҳисоб-китоблар қилинган бўлиб йил якунига қадар 3 млн 363 минг доллар мева-сабзавот махсулотлар   экспорти амалга оширилиб, белгиланган режа 100 фоизга бажарилади.
Ўзбекистон Республикаси Призидентининг 2019 йил 28 ноябрдаги “Ипотека кредети механизимларни такомиллаштиришга оид қўшимча чора-тадбирлар тўғрисида”ги ПФ-5886-сонли фармонига асосан 2020 йилда   туман ҳудудида 4 та 4 қаватли уйжойлар қурилди ва 96 нафар фуқаро уй-жой билан таъминланди.
Туманда 2020 йилда 23,5 млрд сўмлик бюджет маблағлари хисобидан 9 та ижтимоий инфратузилма объектларини қурилди ва реконструкция қилинди.Бунда Инқирозга қарши жамғарма ҳисобидан Чироқчи туманида  “Олмазор” МФЙ ва “Чиял” МФЙда 23 ва 91-умумий ўрта таълим мактабларида мукаммал таъмирлаш ишлари олиб борилиб объект фойдаланишга топширилди.
2021 йилда жами 71,5 млрд.сўм эвазига 33 та ижтимоий соҳа объектларида қурилиш ва реконструкция қилиш ишлари амалга оширилади. Жумладан 57,6 млрд.сўмга 28 та умум таълим мактаблари, 10,5 млрд.сўмга 4 та мактабгача таълим муассасалари ва 3,5 млрд.сўм эавазига 1 та янги тиббиёт муассасаси қурилиш ишлари дастур асосида амалга оширилади.
Бундан ташқари тумандан ўтувчи А-378 халқаро автомагистрал йўлининг 83-85 километри Еттитом қурғони жойлашган бўлиб, шу ерда хизмат кўрсатиш соҳасининг ривожлантириш мақсадида 11 та йўналиш бўйича 150 та лойиҳалар амалга оширилиши режалаштириб олдик. Жумладан: 2 та кемпинг, 2 та мотел, 93 та савдо ва маиший хизмат кўрсатиш, 4 та супермаркет, 4 та биоҳожатхона ва душ ҳамда 11 та авто транспорт воситаларига хизмат кўрсатиш корхоналари ташкил қилинади.
  Бундан ташқари шу ҳудудидан 2021 йилда 4 та бир подъездли 5 қаватли арзон турар жойлар қурилади, 3 км масофага велойўлаклар барпо этилади. Шунингдек, ушбу ҳудудда “Чироқчи кластр” МЧЖ томонидан 500 нафар хотин қизларни иш билан таъминлайдиган тикувчилик фабрикаси, ёғ ишлаб чиқариш корхонаси, сут ва сут маҳсулотларини ишлаб чиқариш корхонаси ташкил қилинади ҳамда шу корхоналарда ишловчиларнинг фарзандлари учун мактабгача таълим муассасаси ташкил этилади. Бундан ташқари “WHITE REACH RAW” МЧЖ томонидан қиймати 10 млн.долларлик кафел заводи қурилиши режалаштирилган бўлиб 300 та янги иш ўринлари яратилади.
  Шу билан бир қаторда 2021 йил дастур доирасида тумандаги таъмирга мухтож 5 та кўприклар қайта қурилади.
  3,9 млрд.сўм маҳаллий бюджет маблағлари хисобидан 26 км қишлоқ ички йўллари таъмирланади.
“Саховат ва кўмак” умумхалқ ҳаракати доирасида ёрдам ва кўмакка муҳтож аҳоли қатламини ижтимоий қамраб олиш мақсадида sаxovat.argos.uz сайтига тумандаги 7 403 та ёрдамга муҳтож оилалар (1-сектор 1677 нафар (22,8%), 2-сектор 2734 нафар (36,9%), 3-секторда 1832 нафар (24,7%), ва 4-сектор 1160 нафар (15,6%) ёрдамга муҳтож оилалар рўйхатга олинган.
   Халқ депутатлари туман Кенгашининг сессия қарорларига асосан 4 460 нафар (60,2%) оилада яшовчи 4 771нафар (64,4%) фуқаролар домий иш билан таъминланиб темир дафтардан чиқарилди.
Темир дафтарга киритилган 6 183 та оилани 6 441 нафар аъзоси (меҳнатга лаёқатлиларни 83,5 фоизи) бандлиги таъминланди.
Жумладан:
- Оилавий тадбиркорлик 38 нафар,
- Жамоат ишига 371 нафар,
- ўзини ўзи банд қилиш 5483 нафар,
- инвестиция лойиҳаларига 7 нафар,
- қишлоқ хўжалигига 460 нафар,
- қурилишга 21 нафар,
- ўзининг ишига қайтиш ҳисобига 60 нафарни ташкил этади.
  Йил якунига қадар 260 та оила ва 860 нафар аъзолари “Темир дафтар”га қолган бўлиб, уларга “Саховат ва кўмак” бўйича доимий равишда озиқ-овқат маҳсулотлари билан таъминланади.
  "Саҳоват ва кўмак" умумхалқ ҳаракати доирасида 7566 оилага, 9 млрд 700 млн.сўм миқдорида ёрдамлар кўрсатилган.
Жумладан,
1 807 нафар фуқарога 357 млн.сўм сўм миқдорида, Озиқ-овқат маҳсулотлари етказилиб берилди, 168 нафар фуқарога 270 млн.сўмлик бошқа турдаги маҳсулотлар етказиб берилди. Ўзбекистон Республикаси Президентининг ПФ-6038 сонли қарорига асосан 3402 та оилага 3 млрд 212 млн.сўм миқдорида, Вазирлар Маҳкамасининг ВМФ-346 сонли қарорига 2189 та оилага 2 млрд 189 млн.сўм миқдорида ёрдамлар кўрсатилди. Ўзбекистон Республикаси Президентининг ПҚ-4815-сонли   қарорига асосан 7344 та оилага 3 млрд 672 млн.сўм миқдорида моддий ёрдам кўрсатилди.
   Темир дафтарага кирган оилаларнинг 38 нафар фуқароларга
455,0 млн.сўм кредит маблағлари (иссиқхона, парранда, чорвачилик, тикувчилик) йўналишида тадбиркорликни ривожлантириш учун кредит маблағлари берилди ҳамда 72 та янги иш ўринлари яратилди.
Туманда 2021 йилда оборотдан чиққан 14 669 гектар шундан 1 310 гектар сувли, 13 359 гектар лалми ер майдонлари фойдаланишга киритилиб шундан Сабзавот экинлари  519 гектар, полиз экинлари 5 069 гектар, мойли экинлар 74 гектар, озуқа экинлари 584 гектар, дуккакли экинлар 3 923 гектар майдонга экилди.
Туманда жами мактабгача таълим ташкилотлар сони – 95 та бўлиб,
Шундан;
Давлат мактабгача таълим ташкилоти (ДМТТ)–18 та, Давлат хусусий шерикчилик (ДХШ) – 6 та, Оилавий Нодавлат Мактабгача таълим ташкилоти (ОНМТТ) – 71 тани ташкил қилади. Туманда жами 3-7 ёшдаги болалар – 35 494 нафарни ташкил этади.
2020 йилда 3 та мактабгача таълим муассасасига жорий таъмирлашга 210,4 млн сўм маблағ ажратилди.
2020 йилда 12 давомида қишлоқ жойларида (Чорвадор МФЙ, Зарбдор МФЙ, Эски анхор МФЙ, Жар МФЙ, Наврўз МФЙ, Қаҳрамон МФЙ, Кукдала МФЙлар) Давлат хусусий шерикчилик асосида оилавий нодавлат таълим муссасаси 13 тага етказилди ҳамда 3-7 ёшдаги болалар қамрови (2019 йилга нисбатан) 18,2 % оширилиб 38.9%% кўтарилди.
Туманда 192 та мактаб мавжуд бўлиб, мактабларнинг таълим жараёни қуйдагича ажратилади:

52 тасида (27,1 %) 1,0 коэффицентда;
41 тасида (24,4 %) 1,5 коэффицентда;
68 тасида (34,4%) 2,0 коэффицентда;
31 тасида (16,1%) 2,0 коэффицентдан юқори ;

Мактабларнинг 52 таси (27,1%) 1 сменада, 140 таси (72,9%) 2 сменада ишлайди.
2019-2020 йил ўқув   йилида  жами ўқувчилар сони 90 905 нафар ўқувчи мавжуд бўлиб шундан 11-синф битирувчи ўқувчилар сони 7 065 нафарни ташкил этади.
7160 нафар битирувчидан 448 нафари (6,5 фоиз) ОТМга кирган.
2020 йилда инвестиция дастури бўйича 2 та (17-мактаб ва 19-мактаб капитал таъмирлаш) таълим муассасаларида 5100 млн.сўмлик қурилиш таъмирлаш ишлари олиб борилди.
Жами 11- синф битирувчи ўқувчилардан 7 нафар ўқувчи кумуш ва 1 нафар ўқувчи олтин медал билан тақдирланди  ҳамда 39-мактаб бошланғич ўқитувчиси Исматова Нигора  “Шуҳрат” медал билан тақдирланди.
Медал билан тақдирланган ўқувчиларнинг 7 нафари (88 фоиз) олий таълимга ўқишга кирди.
Туманда 192 та умумтаълим мактабларида 8142 нафар педагог ходимлар фаолият юритади. Улардан 5776 нафари олий маълумотли, 1875 нафари ўрта махсус, 491 нафаpи тугалланмаган олий маълумотли кадрлар ҳисобланади.
2020 йилда инвестиция дастури бўйича 5 та (5-мактаб реканструкция таъмирлаш) таълим муассасаларида 15 631 млн.сўмлик қурилиш таъмирлаш ишлари олиб борилди.
2021 йилда тумандаги “Дам-2” маҳалласида 660 ўринли қиймати 15 560 млрд .сўм бўлган янги замонавий мактаб биносини қуриш давлат дастурига киритилди.
Шунингдек, “Уймавут” маҳалласида жойлашган 170-сонли умумий ўрта таълим мактаб 160 ўринли бўлиб, хозирги кунда ўқувчилар сони мактаб қувватига нисбатан ортиб бораётганлиги сабабли мактабга қиймати 12 530 млрд.сўм бўлган 528 ўринли қўшимча бино қурилиши дастурга киритилган.
Куз-қиш мавсумига тайёргарлик кўриш юзасидан ижтимоий соҳа объектларига жами 3988 тонна кўмир ва кўмир брикети маҳсулотлари етказиб бериш режалаштирилган.

Жумладан:

ҳалқ таълимига 3104 тонна 100% тарқатилди,

Соғлиқни сақлашга 297 тонна 100%,

Коллежларга 235 тонна тарқатилган 100%

МТМ 175 тонна 100%

Жисмоний тарбия ва спорт бўлимига 19 тонна 100%

Маданият ишлари бўлимига 35 тонна 100%

      Чироқчи туманида 421 149 нафар аҳолисига 26 та амбулатория поликлиника муассасалари хизмат кўрсатади, жумладан:
10 та оилавий шифокорлик пунктлари;
8 та оилавий поликлиникалар;
1 та кўп тармоқли марказий поликлиника;
7 та кўп тармоқли марказий поликлиникаси филиаллари;
3 та шифохоналар бўлиб жами 624 ўрин, шундан марказий шифохона 1 та (370 ўрин ва унга қарашли Чиял бўлими 23 урин, Уйшун бўлими 23 урин хамда Қалқама бўлим 23 урин), 2-сон Кукдала худудий шифохонаси 1 та (100 ўрин ва унга қарашли Э.Анхор бўлими 15 ўрин), Юқумли касалликлар шифохонаси 1 та (80 ўрин 55 ўрин болалар, 25 ўрин катталар улардан 6 ўрин реанимация),
Тез ёрдам постлари 1 та шахобчалари 23та, Давлат санитария эпидимиологик осойишталик ва жамоат саломатлик хизмати 1 та;
Чироқчи туманида 314 нафар шифокор ва 2 674 нафар ўрта тиббиёт ходимлари хозирги кунда фаолият кўрсатади.
Туман бўйича 39 та врач етишмайди шундан: умумий амалиёт шифокори 24 та, тор соха мутахассисларидан 15 та.
Шифохона ховлисини ва канализациясини таъмирлаш учун бюджет хисобидан 123 млн. маблағ ажратилган.
Шунингдек,
  Тиббиёт бирлашмага қарашли 65-Чарвадор оилавий поликлиникаси янгидан қуриш учун инвистиция дастури хисобидан            1.8 млрд. маблағ ажратилди.
         64-Чарвадор оилавий поликлиникаси реконструкция қилиш учун инвистиция дастури хисобидан 1.15 млрд. маблағ ажратилди.
         Туманда 3 та маданият маркази мавжуд бўлиб, 2016 йил Давлат дастури асосида Республика бюджети ҳисобидан 654 млн.сўм маблағ ажратилиб, янгидан 400 ўринли “Чироқчи маданият маркази” ташкил қилинган. 2020 йил Жар маданият маркази янгидан қурилиб, 1 млрд 260 млн сўм ажратилга 250 ўринли аҳолига хизмат кўрсатиш учун топширилди.
         Туманда Ёшларни интеликтуал салоҳиятини ошириш бўйича туманимиздаги 90 590 нафар (18-30 ёш)гача бўлган ёшларни “Ёшлар дафтари”га киритиш бўйича хатлов жараёнлари олиб борилиб хозирги кунда 82 437 нафар (91 %) ёшлар хатловдан ўтказилди.
  Туманда “Ёшлар дафтари”и ва “аёллар дафтари” бўйича жамғарма ташкил этилди ҳамда молиялаштирилди.
          Аёлларнинг жамиятдаги ролини кучайтириш, уларни ҳар томонлама қўллаб-қувватлаш, аёллар тадбиркорлигини ривожлантириш натижадорлиги бўйича Тумандаги жами аҳоли сони 414 602 нафар бўлиб, шундан 209 952 нафари аёлларни ташкил этади. 30 ёшдан юқори бўлган аёллар 102 527 нафарни ташкил этади.
    Секторлар кесимида қўйидагича: 1-секторда 27 420 нафар, 2-секторда 35 765 нафар, 3-секторда 22 651 нафар, 4-секторда 16 690 нафар Сўровномалар натижасига кўра тумандаги 30 ёшдан юқори бўлган  аёллардан 5 783 нафари “Аёллар дафтарига” киритилмоқда. 1-секторда 1 701 нафар, 2-секторда  2 473 нафар, 3-секторда 1502 нафар, 4-секторда 107 нафарни ташкил этди.
Ички миграциядаги аёллар 497 нафар бўлиб, 1-Секторда 111 нафар, 2-Секторда 173 нафар, 3-Секторда 109 нафар, 4-Секторда 104 нафарни ташкил этади. Ташқи миграциядаги аёллар 144 нафарни ташкил этиб 1-Секторда
31 нафар, 2-Секторда 51 нафар, 3-Секторда 43 нафар, 4-Секторда19 нафар  аёллар борлиги аниқланди.
Туманимизда 4 та сектор раҳбарлари биргаликда  2021 йилда хар бир йўналишни қамраб олган холда аҳолини турмуш даражасини яхшилаш бўйича ишларни ташкил қиламиз.

ЭТИБОРИНГИЗ УЧУН РАҲМАТ!