Ҳар гектар ердан баракали ҳосил етиштиришга, элимиз дастурхонини тўкин қилишга астойдил бел боғлаган илғор чироқчилик ғаллакорлар қизғин ўрим мавсумини бошлаб юбордилар.
Бугун туманнинг Бешчашма ҳудудидаги "Фазлиддин Зикриллаевич" фермер хўжалиги ғалла майдонларига ўроқ тушди. Ўрим олдидан дала бошида ёзилган дастурхон устида туман ҳокими Нодир Эркаев бошчилигида нуронийлар ҳосилга барака сўраб дуога қўл очишди, жонлиқ сўйилиб, Қуръон ҳатм қилинди. Бешчашмалик миришкорлар гектарига 35-40 центнердан ҳосил кўтаришмоқда. 
