Туман ҳокимлигида хорижда меҳнат қилаётган ва таҳсил олаётган чироқчилик ёшлар ва туман ҳокими Файзулла Юсупов бошчилигида мутасадди раҳбарлар ўртасида ўтказилган онлайн мулоқот бўлиб ўтди.
Бир ярим соат давом этган онлайн мулоқотда 103 нафар ёшлар иштирок этди. Мулоқот давомида 10 нафар меҳнат мигранти сифатида хориж давлатларида меҳнат қилаётган ёшлар ўзларини қийнаётган муаммолари билан туман ҳокимига мурожаат қилган бўлса, 7 нафар хориж институтларида таҳсил олаётган ёшлар ўз таклифлари билан туман ҳокимига юзланишди.
![](/uploads/posts/2024-06/medium/1719374350_photo_2024-06-25_20-35-11.jpg)
Хусусан, Полша давлатида тиббиёт институтида ўқиб, ишлаётган Тўлқин Умурзоқов Чироқчида юз-жағ хирургияси клиникаси очиш таклифини берди ва бу таклиф туман ҳокими ва масъуллар томонидан қўллаб-қувватланди. Шунингдек, Россия, Италия, Туркия ва Қозоғистон республикаларида таҳсил олаётган ёшлар ўз ғоя ва таклифларини мулоқот давомида таъкидлашди. Россия ва Қозоғистон давлатларида меҳнат мигранти сифатида меҳнат қилаётган ёшлар эса яшаш ҳудудларидаги ижтимоий аҳамиятга эга муаммоларни мулоқот давомида ўртага ташлашди.