Қашқадарёда ҳам "Ташаббусли бюджет” лойиҳасида ғолиб бўлган таклифлар маълум бўлди

yangiliklar / murojaatlar 26-апр, 17:539 523

Бунда, жараёнларнинг дастлабки босқичидан овоз бериш босқичигача бўлган даврда вилоят бўйича 4496 та таклифлар билдирилган бўлиб, шундан 2696 таси овоз беришда иштирок этган ҳолда якунда 186 та таклифлар ғолибликни қўлга киритди.

Ўз навбатида, ғолибликни қўлга киритган яъни, энг кўп овоз тўплаган таклифларни молиялаштиришда жорий йилнинг 1 феврал ҳолатига кўра "Фуқаролар ташаббуси жамғармаси"да 18086,6 млн. сўм қолдиқ сўмма бўлиб, шундан сўнг жамғармага 83928,3 млн. сўм (шундан 14886,1 млн. сўми маҳаллий бюджетдан, 69042,2 млн. сўми 2022 йил бюджет параметри ҳисобидан шаклланган) маблағ ўтказилган ҳолда ҳозирги пайтда жамғармадаги қолдиқ сўмма 102014,9 млн. сўмни ташкил этмоқда.

Шунингдек, бу йилги жараёнларнинг яна бир натижаларига кўра ғолиб бўлган таклифларнинг умумий қиймати 102331,8 млн. сўмни ташкил этиб, уларга жами 375221 та овозлар берилган бўлса умумий овозлар сони 563390 тани ташкил этган.

Яна бир статистика, ўтган йили ташаббускорлар томонидан 2404 та таклиф билдирилган бўлиб, шундан 107 таси ғолиб деб топилган ва унга 78005 та овоз йиғилган. Умумий овозлар сони эса 91296 тани ташкил қилган.

Вилоят Молия бошқармаси маълумоти.