Ўрганишларда аниқланган ҳар бир муаммонинг ечим топиши одамларнинг ҳаётдан рози бўлиб яшашига хизмат қилади. Шу мақсадда Фавқулодда вазиятлар Чироқчи тумани бўлими ва туман Йўллардан фойдаланиш унитар корхонаси ҳамкорлигида аҳоли мурожаатларига асосан туманнинг "Кишмиштепа" ва "Қирғиз" маҳаллаларини ажратиб турган ариққа тўпланиб қолган сув йўли очилиб муаммо бартараф этилди.
Аниқланишича, Эски Анҳор ирригация тизимлари ҳавза бошқармасига қарашли Чироқчи тумани ва Яккабоғ туманини ажратиб турувчи Сандал каналидан кўп миқдорда сув қўйиб юборилиши натижасида туман Ирригация бўлимига қарашли ушбу ариққа келган сув тўпланиб қолган. 
Ариқда сувнинг йиғилиб қолишида эса йиллар давомида сув ўтказувчи ер ости қувирини лойқа босиши ва маҳаллий аҳоли томонидан сув узанига ташланган турли чиқиндилар сабаб бўлган. Ариққа йиғилиб қолган сув эса шу ҳудуддаги 13 та аҳоли ҳонадонларининг қўшимча хўжалик иморатлари асос пойдеворигача кўтарилган. 
Тезкор кўрилган чора-тадбирлар натижасида сув ўтказувчи қувур йўли тозаланиб, тўпланиб қолган сув чиқариб юборилган.✍️Озодбек Жахбаров, Фавқулодда вазиятлар Чироқчи туман бўлими бўлинма бошлиғи.
