Чироқчи маҳалла фуқаролар йиғини раиси Момасулув Бердиқулова маҳаллада истиқомат қилаётган кам даромадли оиларга полиз экини кўчатларини олиб бермоқда.
Аввал хабар қилганимиздек, энди маҳалла раислари ўз маҳалласида яшаётган ижтимоий ҳимояга муҳтож оилаларга турли экин ниҳолларини ҳомийлик асосида еткзиб беради. Бу орқали карантин вақтида фуқаролар бандлигини таъминлаш, кам даромадли оилаларга томорқачиликни ривожлантириш орқали қўшимча даромад ортиришларини ўргантиш мақсад қилинган дейди,- маҳалла раиси М.Бердиқулова. Бугун ҳомийлар ёрдамида маҳалламиздаги 10 та кам таъминланган оилага Чироқчи деҳқон озиқ-овқат бозоридан 2000 дона помидор, бодринг, булғори, бақлажон ва шу каби экин ниҳолларини олиб фуқароларимиз хонадонларига етказиб бердик.
Ҳа, юртимизда ҳар бир оиланинг мўъжазгина ер майдонидан эркин, самарали фойдаланиб, табиий, арзон озиқ-овқат маҳсулотлари етиштиришга интилиши кучайтирилаётгани томорқа хўжалигини маъмурчилик ва қўшимча даромад манбаига айлантиришга хизмат қилмоқда. 
