Чироқчи туманида ҳам ижтимоий хавфи унча катта бўлмаган жиноятларни содир этган ва бошқа тоифадаги шахсларга нисбатан амнистия акти қўлланилиб, жазодан озод этилди.
Ҳозирда уларнинг ҳаётга мослашуви ва ҳимоясига оид чораларни амалда рўёбга чиқариш бўйича махсус комиссия фаолият юритиб келмоқда. Бугун вилоят ҳокими ўринбосари И.Арзиқулов бошчилигида туман ҳокимлиги кичик мажлислар залида туман ҳокими биринчи ўринбосари Э.Бобоқулов, туман прокурори Б.Худойқулов, туман ИИО ФМБ бошлиғи А.Бешимқулов, бош имом-хатиб Б.Нарқуловлар ҳамда комиссия аъзолари жазо муддатини ўтаб чиққан Ф.Х ва Ф.Клар билан суҳбатлашишди. 
Суҳбат давомида фуқаронинг муаммоларига ечим излашди. Жазони ижро этиш муассасаларидан озод этилган фуқароларга ижтимоий ҳаётга тезроқ мослашуви ва жамиятда ўз ўрнини топиб олиши учун давлат ва нодавлат ташкилотлар ҳамкорликда ёрдам берилиши мулоқотда таъкидланди.
