Ички истеъмол бозорини асосий турдаги озиқ-овқат маҳсулотлари билан тўлдириш мақсадида "Чироқчи деҳқон озиқ-овқат бозори" масъулияти чекланган жамиятида "Арзонлаштирилган қишлоқ хўжалиги махсулотлари ярмаркаси" ташкил этилган.
Бугун Чироқчи тумани прокурори Баҳодир Худойқулов ва Бош прокуратура ҳузуридаги Департаментнинг туман бўлими бошлиғи Баҳриддин Нарзуллаевлар туман марказий бозорида ажратилган павилионда ташкил этилган қишлоқ хўжалиги ярмаркаси фаолияти билан танишди.
Ярмаркада арзонлаштирилган нархларда кунлик эҳтиёж махсулотлари харидорларга таклиф этилаётир. Чироқчилик деҳқон ва чорва фермерлари томонидан етиштирилган махсулотлар "Даладан дастурхонгача" тамойили асосида харидорларга етказиб берилмоқда. Бу орқали эса бозорларимизда озиқ-овқат махсулотларининг барқарор нархлари таъминланмоқда.
